Svigliateve, vagliù. Facete cette

sinnò la casa abbrucia cugliu lette,

i chelle che de bbone tè ‘stu munne,

se ne va ‘n fume o va nigli sprufunne.

Sbrigateve, e dicete a chi guerna

ca n’n ve basta cchiù pan ‘ i ciberna,

ce vo’ pace, lavore, fantasìa,

cuscienza, core ‘n pette i puglizzìa.

Sinnò – sia chiare ‘n mente a tutte quante –

se resta all’èvera, scàveze i ‘n mutande.

I po’, nu’ gloria patre’, ‘n’ au Maria,

vatt’a refrighe! More i … accusì sìa.

Dapò, ‘rachiameterne’, giaculatoria,

fernisce tutte cose, munn’ i storia.

Tu dice ca le meje su fessarìe?

Su fatte teje, ‘ngiorn ‘assignurìa!

Fu fatte gliu decaleghe

nell’era de Musè:

i’ so’ fatte gliu pentaleghe,

ca fa p’ me i p’ te.

E’ chisse nu pentaleghe

ca ve’ dalla ‘sperienza,

i tu n’n fa gliu maleghe

ca n’n me dà vedenzia.

E’ comm’ a ‘na ricetta

ca fa campà cent’anne,

tirènne la carretta

cu senza nu malanne.

(Conta: ‘ncricca le deta, una p’ vota)

I° - Tu parla ma statt’ attente,

rape le recchie i gl’occhie,

ca, po’, se n’n t’ s’ sènte,

te mittene ‘n ginocchie.

II° - Stai larghe dagliu mmedeche,

gli stesse dagliu parreche,

vai calme, senz’arteteche,

gliu stommeche mai careche.

III° - Po’, bivete l’acquata,

lu vine è troppo forte

i ‘nzèma alla fumata

t’ porta dritt’ a morte.

IV° - Fatica cu giudizzie,

cammina spisse a pède,

ca vòta cacche sfizie,

n’n tirà mai arrète.

V° Stai allègre, n’n fa cummeddia,

la vita accusì è fatta,

a tutte se remedia,

facènne èaura i patta.

Ie mo t’ la so’ data

Sta ‘nticchia d’ ricetta,

n’n me la sì pagata,

palmanche damme retta!