Sito Promozionale di Cultura del Basso Lazio dell' Associazione onlus PRETA Via Sotto le mura snc - 03041 Alvito (FR) p.i. 02194120602 CIOCIARI.COM   © pretaonlus 2000-2010 - ciociari @ pretaonlus.it

Riceviamo e volentieri pubblichiamo un “botta e risposta” sulla verità tra due illustri personaggi dell’Eco. EH GIANFRA’ Eh Gianfra’, ma seconde te, gliù poeta la po di’ la verità a stu paese? Te pare a te ca isse è libere de di’ tutte chelle che pensa senza pagarne le spese; mmese a tutte sti maceglie, addò tutte save magnate Munne i Raimunne, tu tenisse gliù curaggie nen sule de parla’, ma pure de responne? Nè  Gianfra’, ma seconde te: tu che fatije dalla matina alla sera ‘ngoppa a internett, ce la faceme a isci’ da ste botte ? Tu ca la musica, cu la chitarra, è nata dope de te, i nisciune è mai pagate pe te veni’ a senti’ ! Tu che, cu gliù cinema ce vai abbraccette, che pe gliù fulclore nen guarde mai le lancette ! Tu “preta” qua ! Tu  “onlus” là… E’ Gianfra’ ma gliù pueta la po di’ la verità? Si o No? Aspetta Gianfra’, nen me responne subbite, pensece natu poche ‘ngoppa, sennò dumandele a Fulvie, isse è professore, se n’indente de sta robba; dille a Milan, “si viste come scrive”, dille a Trapper, a Tumasine, a Silvie Zingone, fa chelle che te pare , sbrighete, i stò ferme, enca scrive, nen sò chiù vaglione. Allora Gianfra’, pe falla breve, respunneme a sta dumanda, tutte quante, vecchie, giovene, malate, attore, pulitiche, commerciante: viste ca ce n’emma i tutte quante agli albere pezzute, dicemela sta caspita de verità, nen fa niente ca ce mittene ‘ncroce! Aldo Iorio CHE E’ LA VERITÁ? Aldu’, che è la bucia? Che è la verità? E quante ce ne stave de verità tutte diverse E le po di’ tutte senza di’ bucia. É pecché na verità sola nen esiste Ma ce ne stave tante. Ognuna è nu petale de na rosa E la rosa è la verità. Ma po esse che chella Che vai cerchenne tu non è la verità Ma la Verità. E forse dente gliù core Te ve da di’ che essa è una sola. Ma i te possa rassicura’ Che n’omme giuste Che nen pensa sule agliu piatte seie ‘Nanze alla tavola Che pensa pure agli ate Nen c’è bisogne de se fa la croce Pe  sape’ qual’è la Verità. E tu dilla chella che tu pense Esse la Verità Gridala forte che nuia te stame a senti’ Ca seme sicure Che dalla vocca tia Nen ce po nasce na bucia. Gianfranco Molle