Siamo giunti alla sesta puntata degli "Aneddoti Roccaseccani", di Mario Izzi. Il personaggio di cui si parla in questa occasione è Angelo "Mucch’lone". Era il sacrestano della parrocchia di S. Margherita, nel Capoluogo, nella seconda metà dell'ottocento.

Era conosciuto col soprannome di "Mucch'lone", ma da cosa derivasse il nomignolo ancora oggi nessuno lo sa. Anche se in paese rientrava nell'ordinario, ed in parte lo è tuttora, individuare le persone con un'espressione che riuscisse a caratterizzarne i dati essenziali e distintivi, seguendo in ciò il costume degli antichi Romani.

Dunque: Mucch'lone. Ma perché l'eponimo e da che cosa poteva essergli derivato, dato che il prenome, Angelo, non era male anche se comune. Tentandone oggi una spiegazione, forse per il moccio che doveva colargli dal naso, soffrendo egli probabilmente di raffreddore cronicizzato. Forse perché accendeva e spegneva i moccoli in Chiesa o perché alle processioni sosteneva il pesante candeliere rosso e bianco, data la sua robusta costituzione fisica. Forse per qualcuna delle circostanze indicate o per tutte messe assieme.

Quale comunque fosse il motivo del soprannome, basta averlo annotato per come ci è stato tramandato dagli aneddoti.

Non senza tuttavia precisare che egli era un sacrestano "sui generis", speciale; aveva pure un mestiere, quello del fabbro, con bottega a lato della Chiesa. Era inoltre intrigante, pronto alla burla, di buon appetito e buongustaio, caratteristiche di molti compaesani, non solo di allora.

L’aneddoto scelto per questa puntata si intitola "Cacio e soppressata"

Comme seme ditte nell'intruduzzione, Angele era nu sacrastane spiciale. I nen sule pecché era 'ntrigante, 'nteressate, ma pecché era sèmpe prunte alla burla, agli scherze, alle fregature da fa' agli paisane de fore, i nen sule a chiglie.

Seme ditte pure ca tenea nu mestiere: facea gliu ferrare cu la butteca propia cante alla Chiesa.

Ma chelle ca gli facea cchiù uneche che rare era la capacità de magnàrese 'stu munne i chigliavete 'n quatt'i quatt'otte.

I gli piacea la robba genuina (a isse !), chella fatta 'n campagna cugliu suche càreche de lard'i ventresca o, paramenta, fatta 'n paese ma cu metude campagnole, comm'alla pulenta culle cìchele i savecicce, la pizza rustica cu 'na duzzina d'ova toste i àvete cose de 'stu ggènere.

I chelle ca nen avria fatte pe' nu cutechine cu fasure o pe' 'na capuzzella 'n cazzarola o pe' quatte crespelle o zeppulelle calle calle !

Gliu fatte ca stonche a raccuntà è tutte 'ncentrate 'n copp'alla fame - meglie: alla voglia - ca chigliu jorne tenea 'Ngelucce de magnàrese ca cosa de bbone.

Bencunte, chigliu jorne 'Ngelucce duvea ì da 'gnora Margarita, agliu vichele Paulozze, p'aggiustà 'na sarratura.

Prima, p'rò, s'ada sapé ca 'gnora Margarita era canusciuta 'n paese, oltre ca p'esse benestante i caritatevule, pe' via ca era remasta vedua da giovane,i nen avea avute figlie (n’n se sa se p' colpa sia o digliu marite), i alle criature pirciò - p' n'n averne putute ave' - c'era affizziunata.

'Gnora Margarita era pure canusciuta - specie dagli tipe comm'a 'Ngelucce - pe' le suppressate, lu furmagge pecurine, le ‘glive sotte sale i lu ‘ine toste che facea: tut ta robba da resuscità gli morte pe' quant' era bbo na.

S'ada pure sape' ca Angele se purtava sèmpe drète 'n aiutante.

Chigliu jorne s'era purtate gliu nepote, Ciunchitte, accusì chiamate pecché tenea nu pède cchiù curte degl'àvete i pirciò camminava 'ciunche', zoppe, i avea 'na decina d'anne.

Ma gliu aiutante 'Ngelucce si gli purtava, cchiù ca pe' fàrese aiutà nigliu lavore,p'avé 'na specie de cumpare ca gli aiutava a purtà 'nnante chelle che isse arzigugulava pe' fregà la ggente. Doppe se capirà meglie chelle che voglie dì.

Dunca, chigliu jorne Angele va da 'Gnora Margarita cu Ciunchitte.

- Bon giòrne, 'Gnora Margarì: èccheme prunte! Addò sta 'sta sarratura ?

- Oh,finalmènte,'Ngelù! me credea propia ca te ne fusse scurdate ... E' cchiù de 'na sittimana ca te so' mannate a chiama'...

- 'Gnora Margarì, 'stu vagabonde de nepùteme sule stammatina me l'è ditte. I cu cciù fa ? Cheste so' mo le nove generazziune: scurdarole, spinzierate i certe vote pure scustumate. 'Gnora Margarì, su' fernite gli tempe quanne tutte se facea precise i a tempe: prest' i bbone, se dicea. Mo, have àvete a che penzà ... gliu grammofene, gliu pianine culla manuella, la carrettella cugliu martinicchie, le corze dent 'agli sacche, gli zumbe dalla stracinera, 1a sciugalarella…

- 'Ngelù, povere criature, làssele addivertì mo che pote, addumane chi le sa...

Fa po' nu suspire i dice :

- Lassa fa Die, ch'è Sante 'rosse! –

I po', aggiogne, turnènne agliu discurse :

- Ecche la sarratura .. s'è schiuate ca cosa ... gliu pa1itte nen entra cchiù.. nen scorre.. se 'ntroppeca..

Angele guarda chelle che gli dà 'n mane i cumenza a pruvà i a repruvà.

Ma gliu piane è già 'mpostate i s'avvicina l'ora de metterglie 'n pratica. Doppe nu poche, 'nfatte, ‘Ngelucce s'appressa a Ciunchitte i gli dà nu beglie pizzicotte alla cossa ca gli fa saltà comm'a nu riglie, cu nu strille forte pe' gliu dulore.

- 'Ngelù, ne'chè successe ? domanda ‘Gnora Margherita ca se truvava alloche atturne.

- Niente , niente, fessarie - responne Angele .

- Comme niente! M'è sembrate nu strille de 'na criatura 'mpaurita,comme s’avesse avute nu dulore 'mpruise, nascoste.. Ca se fusse fatte male gliu vaglione cugliu marteglie ?

- Che male,'Gnora Margarì, che male .. ate che ma le: è 'na scustumatezza! - I burbuttènne tra sè,prepara lu seguete:

- Ma vide tu mo che s’a da sentì agliu jorne d'ogge ....

- Che sì ditte, - 'Ngelù? 'na scustumatezza? i che c'entra cugliu strille ?

- 'Gnora Margarì, l'o' propia sapé ch'è successe? 'stu scustumatone de nepùteme m'è dumandate s’assagnuria si' chella brava signora ca fa le suppressate bbone.

- I che c'è de male, nè ‘Ngelù ?

- Comme che c'è de male..' Gnora Margarì.. ma allo ra nen si' capite niente! Nen si' capite addò vo' arrivà 'stu scustumate -. I, pe' farla vere: "Tè" - i gl'allonga nu scapezzone – "te le donghe ie a te le suppressate" -, i fa gliu verse de darecénne ancora, ma 'ntervène 'gnora Margarita :

- l lassigli sta','Ngelù, su' desiderie de criature, povere figlie. Comme dicevene gl'antiche ? "Voce di criature, voce digliu Criatore".

I, vutàtase verze gliu vaglione:

- "Ciunchì, te piàcene le suppressate ? i ve' cu mme ca te ne faccie assaggià de chelle bbone..."

I se porta Ciunchitte 'n cusina, d'addò tira fore, da dent'a 'n'anfura de cocce chiena d'oglie, nu para de suppressate, nu poche rensecchite ma tènnere, le mette den t'a nu piatte i ce aggiogne nu poche de 'glive sotte sale i 'na pagnuttella de pane frische. Altrettante porta a 'Ngelucce - ca se la ride sotte gli baffe -, ma a isse dà pure le savecicce cugliu fegate i la peparèlla, accusì ce po' appuggià lu 'ine toste, ch'è 'n'aveta epicialità della casa.

- Magnàte i bevéte cu 'na bbona salute - dice 'Gnora Margarita, c'avea avuta cumpassione de Ciunchitte ca, quanne se gl' era purtate 'n cucina, faticava a stareglie arrète cugliu pède ciunche.

- 'Gnora Margarì - responne 'Ngelucce cu la 'occa chiena pe' gliu prime assaggie, - si' propia 'na signora, de core i de fatte, Giasù Criste te recumpenzerà pe' lu bbene ca fai alla pòra ggente.

- Penza a magnà, ‘Ngelù, sennò t'affoghe, ca gliu Pataterne - ca ved'i pruvvede - ha avete a che penzà.

‘Ngelucce i Ciunchitte se mittene cugliu cape sotte i se fau 'na culazzione ca manche gliu Papa a Roma.

Fernite de magnà, se recumenza a fatià.

I Ciunchitte - ca se passa i repassa agliu musse la mana revutata pe' pugllrese la 'occa dell'oglie delle savecicce ca gliel'aveva agliucidata - retorna a svolge suidisfatte la funzione degl'aiutante-cumpare.

Angele, pirò, tè ancora nu 'udeglie vacante i torna preste alla càreca cu 'n ate pizzicotte,'sta vota cchiù forte pe' via dell'energia 'ncamerata, i gliu strille de Ciunchitte lacera l'aria ca pare gl'urle de ‘na bestia feroce ferita a morte

- 'Ngelù, ch'è fatte mo 'sta criatura ?

- 'Gnora Margarì, so' murtificate,s o' tante murtificate ca me mettaria sotte terra pe' la vergogna. A 'stu scustumate nen so' bastate le suppressate,le 'glive, lu 'ine, lu pane frische. Mo vò sape' s'assignuria - i gli refà gliu verse della vucella fina - si' chella brava signora ca fa lu pecurine bbone

- Angelù, i p'accusì poche vo' scuntentà 'na pòra criatura sfurtunata, già segnata da Die, anema digliu Purgatorie ca già soffre 'n chesta terra. Tè, daccele nu poche de case ... tè, ècchete nu poche de pane, i se nen 1e fernisce aécche, fàccele purtà ca se le magna fore.

Era 'sciuta i s’era sùbbete representata cu 'na pezza de case 'ròssa comm'a 'na rota de 'na bighetta i cu 'na pagnotta de pane ca me parea 'na rota de sciarabà quanne gliu facocchie ce ferra gliu cerchione atturne ... tutte ancora fumante de furne ca sembrava gliu trène 'n corza... i tutte cu nu prufume ca, a chigli tempe de miseria, te facea sunnà a occhie raperte.

'Ngelucce se sprufunna 'n ringrazziamente:

- 'Gnora Margarì, puzz'avé tutte le benidizziune de

Giasù Criste, Nostre Signore - che pe' sèmpe sia ludate -, dice gliu sacrastane. -Tu té nu core accusì - i allarga le raccia. - Nen sacce propia comm'a ringrazziarte.

Màgnene 'n fretta i furia, ‘Ngelucce aggiusta finalmente la sarratura, 'gnora Margarita è cuntenta de puté chiude a chiave tutta chella grazzia de Die, dà quatte solde a ‘Ngelucce pe' gliu tempe perse i se salùtene cuntente i suddisfatte.

Pure Ciunchitte saria cuntente se nen fusse pe' chelle du' macchie nere 'n coppa alla cossa,ch'è tutta 'ndulenzita i gli fa male.

Remettènne a poste gl'attrizze pe' iresénne, Angele, scure 'n faccia, burbotta sotte voce:

- Ma guarda chelle che s'è da fa' p' guadagnàrese ogni tante du' deta de savecicce,quatte 'glive i nu poche de pan'i case.

Po' se recumpone, se remette gliu cappeglie i, dope avé salutate i ancora ringrazziate 'Gnora Margarita da sotte le scale, turnènne alla butteca, dice a Ciunchitte:

- Vagliò, chelle ch'è state te serva da 'sperienza. Recòrdete gli pruverbie antiche:

Ma recòrdete suprattutte ca:

Si' capite,nè Ciunchì?

I ammicca,facènne gl'ucchiètte. Ciunchitte gli guarda i ride, pure se fatica a tracinarese drète chelle che resta del la rota de sciarabà i dellu case.

'Ngelucce gli strizza gl'occhie 'n'ata vòta i po', apprufittènne dell'atmusfera, cu nu scatte 'mpruise, gli frega la pezza de case. Surprise, Ciunchitte remane cugliu pède ciunche pe' l'aria; po' reprenne a camminà, zuppechènne, i ride pur' isse, penzènne d'èsse furtunate p'avé nu nonne comm'a chiglie.

- Fregna che nonne ! - dice, i se remette a ride, currènne ciunche i scurdènnese pure dellu male alla cossa.